D’2CA vum LCE huet am Kader vum Concours “Jeune Journaliste” en Debat iwwer d’Thema Bildschiermzäit an Handy an de Schoulen organiséiert.

De ganze Moien hunn si an hier 4 Invitéen d’Bün vum Trifolion dierfen notzen, fir eng spannend Talkshow opzehuelen. D’Aarbecht ass awer nach net fäerdeg: elo geet et un d’Analyse, de Schnëtt an d’Veraarbechtung vum Videomaterial.

Am Kuer Éducation aux médias, deen op 3ème an 2ème an der A-Sektioun um Programm steet, léieren d’Schüler duerch spannend Projeten a praktesch Aarbecht d’Welt vum Journalismus an de Medien intensiv kennen.