D’Schüler vun der 4CLC1 an der 4C3 hu mat dem Här Mendes Rosa, dem Här Recht, dem Här Schoellen, der Madamm Wagener an dem Här Weber gëschter e flotten a léierräichen Dag zu Köln verbruecht.

No der Visite vum Kölner Doum, wou den Historiker Marc Schoellen de Schüler vill Wëssenswäertes iwwert dëst eemolegt Bauwierk verzielt huet, hunn déi 2 Klassen un enger Visite guidée am “NS Dokuzentrum” deelgeholl, wou si vill Informatiounen iwwert déi brutal Methode vun der Gestapo kruten a selwer a Prisongszelle goe konnten. Zäit fir ze shoppen ass natierlech och bliwwen, mee verschidde Schüler si léiwer op den Tuerm vum Kölner Doum geklotert oder waren sech nach d’Schatzkammer ukucken.