Mir blécken op e schéint éischt Joer mat der Optioun “Erasmus & Europa” zeréck. A kuerzer Zäit hu mir vill erlieft an erreecht. Ennert anerem waren d’Visite vum Europaparlament zu Stroossbuerg, den Europe Day an natierlech d’Unerkennung vum LCE als EPAS Schoul flott Meilesteng vum Schouljoer 2024/25.

Als schéinen Ofschloss vum Joer krut de Grupp den 2. Juli d’Zertifikat fir d’Euroscola iwwerreecht. D’Madamm Regina Stölben ass ganz houfreg op hir Schüler*innen a freet sech schonns drop fir nächst Schouljoer mat enger neier Schülergrupp dës Optioun weider ze féieren.