Donneschdes virun der Péngschtvakanz fënnt all Joer zu Echternach de „Laf ronderëm de Séi“ statt. Och dëst Joer ware méi wéi 1400 Leefer um Start, dorënner ronn 100 Schüler a Mataarbechter vum Lycée Classique d’Echternach. Jiddereen, deen déi net ganz einfach Streck vu bal 7 km gemeeschtert huet, verdéngt grousse Respekt!

Besonnesch ervirzehiewen ass d’Leeschtung vum William Hodgson, deen an enger Zäit vun 23 Minutten a 35 Sekonnen eng staark 3. Plaz um Podium erreecht huet.

Mir gratuléieren him, awer och all deenen, déi de Laf erfollegräich ofgeschloss hunn.