- Mat eisem Schoulfest hu mir d’Schouljoer op eng richteg flott Aart a Weis ofgeschloss!
Wärend déi iewescht Klasse mat hirem Regent eng flott Aktivitéit erlieft hunn, konnten déi ënnescht Klasse sech aus ville Workshops een eraussichen:
- Kreativitéit an de Konschtatelieren
- Ënnerwee mam Kayak
- Op Tour mam Mountainbike
- Vollen Asaz um Fussballsterrain
- Déi éischt Schrëtt am Bouschéissen
- Kraider planzen a Gaardenaarbecht entdecken
- Spaass mat ville Spiller
- Rhythmus a Beweegung beim Jazzdanz an der Echternacher Musikschoul
Et war e ganzen Dag voller Beweegung, Kreativitéit, Teamgeescht a virun allem vill Spaass! E grousse MERCI un all d’Schülerinnen a Schüler an d’Enseignanten, déi mat vill Engagement en Atelier ugebueden hunn. E besonnesche Merci geet och un d’Membere vum Schülercomité, déi dem Tanja Wagener an dem Laurent Weber bei der Organisatioun vum Schoulfest tatkräfteg zur Säit stoungen.
Mir wënschen eng schéi Summervakanz a freeën eis schonn op dat nächst Schouljoer!
