Vum 9. bis den 12. Mee 2024 war d’3B zu München. Um Programm waren, ënner anerem, zwee Workshops zur Automatiséierung a Mikroelektronik am “Deutschen Museum”, eng Visite vun der “Brauerei Ayinger” an vum “BMW- Museum”. Eis Schüler hunn d’Geleeënheet natierlech och net verpasst fir bäi beschtem Wieder d’Stad (zu Fouss, mam Vëlo a mam Pedalo) ze entdecken. Um leschten Dag vun eisem Ausfluch hu mir nach kleng Echappée op Starnberg ënnerholl fir um Séi Standup-Paddle ze maachen.